चितवन ,२१ असार ।

चितवनको इच्छाकामना गाउँपालिकामा   डेँगु, स्क्रब टाइफस, औलो रोग,  कालाजार तथा अन्य किटजन्य रोगबारे अभिमूखीकरण कार्यक्रम सम्पन्न भएको  छ । जिल्ला जनस्वास्थ्य कार्यालय चितवनको आयोजनामा दारेचोक स्वास्थ्य चौकी इच्छाकामना-४ कुरिनटारमा, एक दिने अभिमूखी कार्यक्रम सम्पन्न भएको हो  ।

 कार्यक्रममा जिल्ला जनस्वाथ्य कार्यालय चितवनका, भेक्ट्रोल कन्ट्रोल निरिक्षक  राम केसी, इच्छाकामना गाउँपालिका स्वास्थ्य शाखा प्रमुख धन कुमार खड्का, दारेचोक स्वास्थ्य चौकीका इन्चार्ज हरि देवकोटा र गाउँपालिकाका स्वास्थ्य शाखाका सुरेश थापाले डेँगु, स्क्रव टाईफस , औलो रोग, कालाजार तथा अन्य किट जन्य रोगहरु कसरी लाग्छ र कसरी बँच्न सकिन्छ भन्ने बारे सहभागीहरुलाई अभिमुखीकरण तालिम दिएका थिए ।

            कार्यक्रममा लाम खुट्टेबाट सर्ने डेंगु र मुसाबाट मानिसमा सर्ने स्क्रब टाईफस, हात्ती पाईले रोग जिका लगायत अन्य किट जन्य रोग लाग्ने कारण र उपचार तथा बच्ने उपाय बारे प्रशिक्षण दिइएको थियो  ।