बिबेक भण्डारी २२, संविधान कार्यन्वयनको लागि भन्दै मेचिमहा कालि अभियानमा लागेको नेकपा एमालले अभियान सुरु गरे संगै जिल्लाका विभिन्न स्थानमा एमालले घर दैलो अभियान पनि सुरु गरेको छ। राष्ट्रिय एकता , संमृद्धि र स्वाभिमान संविधान कार्यन्वयनका लागि एमालेको अभियान भन्ने नारा सहित आयोजना गरेको अभियान अन्तरगत आइतवार देवचुलि १ , २ र४मा घर दैलो अभियान गरेको हो । शनिवार काकडभित्ताबाट सुरु गरिएको अभियानका बारेमा जानकारी दिन आफुहरुले घर दैलो अभियान सुरु गरिएको नेकपा एमाले जिल्ला कमिटिका सदस्य एवम देवचुलि १ , २ र४घर दैलो कार्यक्रमका संयोजक सुर्यप्रसाद पोख्रेलले बताउनुभयो । १५ दिने अभियानमा तराईका २२ जिल्लालाई समेटने गरी ३५ स्थानमा आमसभा आयोजना गरिने एमालेले जनाएको छ । २८ गते मेचिमहाकालि अभिया अन्तरगतका टोलिहरु न्वलपरासीको कावासोती आउने कार्यक्रम रहेको पोख्रेलले बताउनुभयो । एमालेलाई मधेश विरोधी पार्टीका रुपमा प्रचार गरिएको र यसलाई चिर्न अभियान थालिएको एमालेको भनाई छ । झापाबाट शुरु भएको अभियान अन्तिम दिन सुर्खेतमा जनसभा गरेर टुंगाउने कार्यतालिका बनाइएको छ ।