पोखरा ,१७ काठमाडौंबाट बागलुङ जाँदै गरेको यात्रु बस दुर्घटना भएको छ। काठमाडौंबाट बागलुङको बुर्तिबाङ जाँदै गरेको बस कास्कीको याम्दीमा दुर्घटना भएको प्रहरीले जनाएको छ। दुर्घटनामा दुई वर्षे बालककको मृत्यु भएको छ । अन्य २८ जनालाई उपचारको लागि अस्पताल लगिएको छ । पोखराबाट बाग्लुङ तर्फ नै गइरहेको अर्को एक बसलाई ओभरटेक गर्ने क्रममा बस अनियन्त्रित हुँदा बिहानीपख दुर्घटना भएको स्थानीयवासीले जानकारी दिएका छन्। बस सोमबार बिहान ५ बजेर ५० मिनेट जाँदा दुर्घटना भएको र सडकबाट करिब १० मिटर तल खसेको जिल्ला प्रहरी कार्यालय कास्कीले जनाएको छ।प्रहरी उद्दार कार्यमा खटिएको प्रहरी कार्यालयले जानकारी दिएको छ। घटनाको थप विवरण आउन बाँकी छ।