प्रधानमन्त्री केपी शर्मा ओलीले दसैं अघि नै आन्दोलनरत मधेसी दलहरुसँग वार्ता गरी सहमति कायम गने दाबी गर्नुभएको छ ।
प्रधानमन्त्रीमा निर्वाचित भएपछि मंगलबार राष्ट्रपति डाक्टर रामवरण यादवसँग शिष्टाचार भेटघाटका लागि शितल निवास पुगेका ओलीले मधेसी दलहरुसँग तत्काल वार्ता गरी जसरी पनि समस्या समाधान गरिने बताउनुभएको हो । उहाले आन्दोलनमा रहेका मधेसी दलहरु संवैधानिक प्रक्रियामा आइसकेकाले अब वार्ताबाटै समस्या समाधान हुनेमा आफू विश्वस्त रहेको उल्लेख गर्नुभयो । प्रधानमन्त्री ओलीले राष्ट्रपतिसँगको भेटवार्तामा सामान्य कुराकानी मात्र भएको प्रतिक्रिया दिनुभयो । प्रधानमन्त्री ओलीले अनौपचारिक भेटवार्ता भएकाले राष्ट्रपतिसँग अन्य महत्वपूर्ण कुरा नभएको बताउनुभयो ।