चितवन,भदौं १०–

नारायणघाट–मुग्लिन सडकखण्ड अन्र्तरगत चन्डीभन्ज्याङ गाविसको कालीखोला स्थित त्रिशुली नदिमा वस खस्दा २१ जनाको मृत्यु भएको छ ।दुर्घटनामा घाइते भएका १७ जनाको उद्धार गरिएको छ । घाइतेहरुको चितवन मेडिकल कलेज र भरतपुर मेडिकल कलेजमा उपचार भइरहेको छ ।

अन्य बेपत्ताको खोजी भइरहेको चितवनका प्रहरी प्रमुख वसन्त कुंवरले जानकारी दिनुभयो । रौतहटको गौरबाट पोखरा जांदै गरेको ग १ ख ३७०९ नम्बरको बस बिहान ४ बजेतिर त्रिशुलीमा खसेको थियो ।चितवनका प्रहरी प्रमुख कुवंर सहितको टोली उद्धारको लागि घटनास्थलमा खटिएको छ । के कारणले बस नदिमा खसेको हो भन्ने बारे अझै थाहा हुन नसकेको प्रहरीले जनाएको छ ।

प्रहरीका अनुसार बसमा ३८ जना यात्रु चढेको हुन सक्ने आशंका गरिए पनि यकिन हुन सकेको छैन । अहिले उद्दार तथा खोजीको काम भैरहेको प्रहरीले जनाएको छ ।

नारायणी अनलाइन