माघ २४ कावासोती,उपप्रधान तथा सहकारी विकास मन्त्रि चित्र वहादुर केसीले वर्तमान सरकारले पारित गरेको निर्वाचन क्षेत्र निर्धारण सम्वन्धि विधेयक राष्ट्रघाती भएको वताउनुभएको छ । जनसङखया लाई मुख्य आधार वनाएर ताईका २२ जिल्लामा अंगिकृत नागरिकता वढाउने र देश टुक्राउने ग्राण्ड डिजाईनमा विधेयक पास गरीएको हुदा सरकारमै भएर पनी आफुले विपक्षीमा मतदान गरेको केसीले वताउनुभयो । विदेशी नागरिक अहीले पनी नेपालको संसदमा रहेको भन्दै आफुले विरोध गर्दा कसैले नसुनेको केसीले गुनासो गर्नुभयो । शनिबार नवलपरासीको कावासोतीमा राष्ट्रिय जनमोर्चा नवलपरासीको तेस्रो जिल्ला अभिवेशनको उद्घाटन गर्दै यस्तो बताउनुभएको हो । उपप्रधानमन्त्री केसीले यस अघि पनि पटक पटक नेपालमा संविधान बनेको भए पनि यस पटक जनताको चाहाना बमोजिम, जनताबाट चुनेको प्रतिनिधिहरुले संविधान निर्माण गरेको र भारतले भनेर अनुसार दलहरु नगएका कारण भारतले नाकाबन्दी गरेको दावी समेत गर्नुभयो ।