काठमाडौं, साउन ७ –

नेपाल कम्युनिस्ट पार्टीका संस्थापक महासचिव पुष्पलालको ३८ औँ स्मृति दिवस शुक्रबार विभिन्न कार्यक्रम गरी मनाइँदैछ ।

विसं २००६ वैशाखमा चार जना साथी निरञ्जनगोविन्द वैद्य, नारायणविलास जोशी, नरबहादुर कर्माचार्य र मोतीदेवी शाक्यसँग मिलेर उहाँले पहिलो पटक भारतको कोलकातामा बसेर नेपाल कम्युनिष्ट पार्टी स्थापना गर्नुभएको थियो ।

विसं १९८१ असार १५ गते रामेछाप जिल्लामा पिता भक्तलाल र आमा तुलसीकुमारीका माहिला छोराका रुपमा जन्मिनुभएका पुष्पलालले प्रवासमा बसेर नेकपाका गतिविधि गर्नुभएको थियो ।

उहाँ सहिद गङ्गालालका भाइ हुनुहुन्थ्यो । उहाँले स्थापना गर्नुभएको कम्युनिष्ट पार्टी अहिले विभिन्न समूहमा विभाजित छन् । नेपालका प्रायः सबै कम्युनिस्ट पार्टीले पुष्पलालप्रति श्रद्धा राख्ने गरेका छन् ।

नेपाली काँग्रेस लगायत प्रजातान्त्रिक शक्तिसंँग मिलेर संयुक्त जनान्दोलन गरी पञ्चायत व्यवस्था ढाल्नुपर्छ भन्नेमा पुष्पलाल सधैँ लागिरहनु भएको थियो । उहाँले नेपालको गहिरो इतिहास अध्ययन गर्नाका साथै केही पुस्तक पनि प्रकाशन गर्नुभएको छ ।
नेकपा क्रान्तिकारी माअाेवादी नवलपरासीले पनि अाज पुष्पलाल स्मृति दिवसकाे अवसरमा कावासाेतीमा अन्तरक्रिया गरेकाे छ ।
अन्तरक्रियामा बाेल्दै नेकपा क्रान्तिकारी माअाेवादीका केन्द्रय सदस्य अशाेक लम्साल अनुकुलले पुष्पलाल एउटा सच्चा कम्युनिष्ट नेता भएकाे बताए।
उनले अहिलेका कम्युनिष्ट पार्टीहरूले उनकाे सिद्धान्त पालना नगरेकाे बताए।