बिबेक भण्डारी,नवलपरासी नेपाल महिला संघ नगर कार्य समिति कावासोतीले मंगलवार शुभ दिपावलि तथा छट, ल्योसारको उपलक्षमा शुभ कामना तथा चिया पान कार्यक्रम आयोजना गरेको थियो । कार्यक्रममा नेपाल महिला संघकी केन्द्रिय सदस्य तथा नेपाल महिला सघंकी पुर्व अध्यक्ष कमला पन्तको प्रमुख आतिथ्यता रहेको थियो । कार्यक्रममा प्रमुख अतिथि रहेकि पन्तले देशमा पहिलो पटक महिला राष्ट्रपति भएको हुदा अव महिलाहरु कुनै पनि प्रकारको भयमा नरहि महिला हक अधिकारमा आफ्नो भुमिका अग्रस्थानमा राख्नुपर्ने बताउनुभयो । कार्यक्रममा विभिन्न संघ संस्थाका प्रतिनिधि, पत्रकारको उपस्थिति रहेको थियो । कार्यक्रम नेपाल महिला संघ कार्य समितिकी अध्यक्ष विन्दु केसि अधिकारीको अध्यक्षतामा आयोजना भएको थियो ।