बेल्जियमलाई हराउँदै फ्रान्स १२ वर्षपछि विश्वकपको फाइनलमा

| २७ असार २०७५, बुधबार ११:११ , प्रकाशीत

रसिया, २७ असार ।

सामुएल उम्टीटीले दोस्रो हाफमा गरेको एक मात्र गोलको मद्दतमा बेल्जियमलाई १–० ले पराजित गर्दै फ्रान्स विश्वकप २०१८ को फाइनलमा पुगेको छ । सेन्टपिटर्सवर्ग स्टेडियममा मंगलवार भएको खेलमा फ्रान्सलाई जिताउन उम्मटीटीले दोस्रो हाफमा गरेको गोल निर्णायक बन्यो।

पहिलो हाफमा दुवै टोलीले पाएका केही गोलका अवसर खेल फालेका थिए ।

खेलको ५१औँ मिनेटमा एन्टोनी ग्रीजमनको कर्नरमा उम्टीटीले गोल गर्दै फ्रान्सलाई अग्रता दिलाएका थिए। तर त्यसपछि गोल नहुँदा फ्रान्सलाई १२ वर्षपछि विश्वकपको फाइनलमा पुर्‍याउन त्यही गोल निर्णायक बन्यो।