काठमाण्डौ ७,स्थानीय विकास मन्त्रालयले दिएको छ । यसअघि निकासा भएको बजेट अपुग भए केन्द्रीय आयोजना कार्यान्वयन इकाइमार्फत माग्न पनि निर्देशन दिएको छ । सरकारले एक बर्षअघि नै भूकम्पबाट प्रभावित प्रतिपरिवार कम्तिमा २ लाख अनुदान दिने घोषणा गरेको थियो । तर, अधिकांश भूकम्प प्रभावित परिवारले अनुदान रकम पाउन सकिरहेका छैनन् । यसै सन्दर्भमा स्थानीय विकास मन्त्रालयले अहिले प्राप्त बजेटबाट भूम्प प्रभावित परिवारहरुलाई पहिलो किस्ताका लागि दिन पुग्ने अनुदान रकम तत्काल वितरण गर्न गाविस सचिवहरुलाई निर्देशन दिएको छ । अख्तियारी बजेटले भ्याएसम्मका भूकम्प प्रभावितलाई बैंकसँग समन्वय गरी पहिलो किस्ता उपलब्ध गराउन मन्त्रालयले निर्देशन दिएको हो । भूकम्पले घर भत्काएर नागरिक खुल्ला आकाशमुनी पुगेको १३ महिना वित्दासमेत सरकारले त्यस्ता परिवारलाई राहत पुग्ने गरी अझै काम गर्न नसकेको भन्दै आलोचना भइरहेको छ । मन्त्रालयले अहिलेसम्म भइसकेका अनुदान सम्झौताका प्रतिहरु संकलन गरी अहिले प्राप्त बजेटले कति घरधुरीलाई पहिलो किस्ता अनुदान दिन पुग्ने हो त्यसको जानकारी गराउन पनि भनेको छ । यस्तै मन्त्रालयले प्रत्येक निर्वाचन क्षेत्रमा एउटा केन्द्र राख्ने गरी स्रोत केन्द्रका लागि उपयुक्त जग्गा पहिचान गरी त्यसको जानकारी गराउन समेत निर्देशन दिएको छ ।