चितवन, माघ १४

नेपाली नागरिकता विवादमा परि अनागरिक बनेका राष्ट्रिय स्वतन्त्र पार्टीका सभापति एवं गृहमन्त्री समेत रहेका रवि लामिछानले आइतबार नै नागरिकताको प्रतिलिपि लिने भएका छन् ।

शुक्रबार सर्वोच्च अदालतले लामिछानेले प्रयोग गरेको नागरिकता बदर गरेपछि नयाँ प्रतिलिपि नागरिकता लिन लागेका हुन् ।
नागरिकताको प्रतिलिपि लिने बित्तिकै लामिछाने चितवन आउने कार्यक्रम तय भएको जनाईएको छ । उनी गत मंसिरमा भएको प्रतिनिधिसभाको निर्वाचनमा चितवन क्षेत्र नं.२ बाट निर्वाचित सांसद थिए । लामिछानको सांसद पद खारेज भएसंगै यस निर्वाचन क्षेत्रमा उपनिर्वाचन हुने भएको छ । उपनिर्वाचनमा पनि लामिछाने नै चितवन २ बाट उम्मेदवार बन्ने बताइएको छ ।