बैशाख ०६, काठमाण्डौ

नक्कली भुटानी शरणार्थी प्रकरणमा कसैले कसैलाई पनि बचाऊ गर्न सक्ने अवस्था नरहेको सञ्चार तथा सूचना प्रविधिमन्त्री रेखा शर्माले बताएकी छन् । सरकारले जो कोही यस प्रकरणमा मुछिएपनि त्यसलाई कारबाही गरेर अघि बढ्ने उनको भनाई थियो । शनिवार काठमाडौंमा आयोजित एक कार्यक्रममा बोल्दै उनले सरकारले राम्रो कामको सुरुवात गरेको पनि दाबी गरिन् । विगत र अहिले पनि अरू दलका मन्त्रीहरूले भन्दा माओवादी दलका मन्त्रीहरूले रामो काम गरिरहेको उनको दाबी थियो ।