ज्ञानु पंगेनी

कावासोती, कार्तिक १३

अखिल नेपाल फुटबल सघ (एनफा) को आयोजनामा काठमाडौंमा हुनगैरहेको सहिद स्मारक सि डिभिजन राष्ट्रिय फुटबल लिग छनोट खेलमा सहभागि हुने खेलाडीलाई कावासोती नगरपालिका र वडा नं. ३ को कार्यालयले बिदाई गरेको छ ।

आइतबार नगरपालिका परिसरमा एक कार्यक्रमबीच नगर प्रमुख विष्णु प्रसाद भुसालले खेलाडीलाई खादा र अबिर लगाएर बिदाई गर्नुभएको नगर प्रवक्ता तथा कावासोती तीनका अध्यक्ष डोरमान गिरीले जानकारी दिनुभयो । खेलाडीलाई जितको शुभकामना दिदै नगर प्रमुख भुसालले खेलाडीलाई बिदाई गर्नुभएको हो ।

कावासोती तीन स्थित २८ बिगाहा युवा क्लबका २१ जना खेलाडी तथा अफिसियलहरू नवलपुर जिल्लाकै प्रतिनिधित्व गर्दै काटमाण्डौँ प्रस्थान गरेको प्रवक्ता गिरीले जानकारी दिनुभयो । बिदाई कार्यक्रममा नगर प्रमुख विष्णु प्रसाद , नगर प्रवक्ता तथा कावासोती तीनका अध्यक्ष डोरमान गिरी, कावासोती १२ का अध्यक्ष दिपेश खनाल , वडा सदस्यहरू एवं कर्मचारीहरूको उपस्थितिमा खेलाडीहरूलाई अग्रिम छनौटको शुभकामना सहित बिदाई गरिएको हो ।