पुरुषोत्तम सुबेदी
नवलपरासी ,२६ वैशाख ,चिनी उद्योगले किसानहरुलाई उखुको रकम लिएबापत भुक्तानी नगरेको भन्दै एक साता अघि नवलपरासीको ईन्दिरा सगर मिलमा लगाईएको ताला खुलेको छ । किसान , किसान प्रतिनिधी र उद्योग संचालक बिच शुक्रबार भएको त्रिपक्षीय बार्ता सहमतीमा पुगेपछि उद्योगमा लगाईएको ताला खोलीएको हो । सो क्रममा तत्काल सुचना प्रकाशन गरी क्रमश किसानहरुलाई रकम भुक्तानी दिने लगायतका ३ बुदे सहमती भएको उँखु उत्पादक कृषक समिति नवलपरासीका अध्यक्ष उमेशचन्द्र यादवले बताउनु भयो । लामो समयवाट उँखुको भुक्तानी नदिएको भन्दै ईन्दिरा सुगर मिल गँगापुर र त्यस्को स्वामित्तवमा रहेको त्रिपुरेश्वर कन्डक्टर उद्योगमा उँखु किसानहरु उँखु उत्पादक कृषक समितिको अगुवाईमा एक साता अघि ताला लगाएका थिए । मिलवाट भुक्तानी गर्न बाकी रहेको रकम रु ५ करोड ४९ लाख वैशाख २६ गतेवाट भुक्तानी गर्न सुरु गर्ने र असार ५ गते भित्रै भुक्तानी पुरा गर्ने , नेपाल सरकारवाट प्राप्त प्रति क्युन्टल २५ रुपैयाको अनुदान प्राप्त गर्नका लागी मिलले जिल्ला कृषि विकास कार्यालयलाई उँखु कृषकहरुको विस्तरित विवरण कार्यालयमा बुझाउने र किसानहरुले बेलाटारीमा उँखु कृषक समितिको भवन निर्माणका लागी मिलले प्रति क्युन्टल १ रुपैयाको दरले काटेको रकम १५ दिन भित्रै समितिलाई बुझाउने सहमती भएको समितिका अध्यक्ष उमेशचन्द्र यादवले बताउनु भयो । यस बाहेक नवलपरासीमानै लुम्बिनी चिनी उद्योग संग गत बर्षको रु ६० देखी ७० लाख र यस बर्षको रु ५ करोड ३० लाख गरी करिब ६ करोड र बागमती खाडसारीले अघिल्लो बर्षको भुक्तानी गरेपनि यस बर्षको करिब ६ करोड बक्यौता रकम किसानहरुले लिन बाकी रहेको उखु कर्षक समितीले जनाएको छ । जिल्लामा करिब १४ हजार घरपरिवार उखु खेती गर्ने गरेका उखु उत्पादक कृषक समितिको तथ्याँक रहेको छ । जिल्लाको कुल साढे ७ हजार हेक्टयर क्षेत्रफलमा उखु खेती हुदै आएको छ । जिल्लामा बार्षिक २० देखी २५ लाख कुईन्टल उखु खेती उत्पादन हुदै आएको छ । जिल्लामा चार वटा चिनी मिल उद्योग छ र करिब ५० भन्दा बढी साना क्रसर ( भेली ) उद्योग छन् ।