राष्ट्रिय एकता दिवस एवम् पृथ्वी जयन्तीको उपलक्ष्यमा नेपाल राष्ट्रको एकीकरण गर्ने महान् योद्धा पृथ्वीनारायण साहको योगदानको स्मरण गर्दै उहाँको सालिकमा माल्यार्पण गरिएको छ । नवलपरासीको कावासोतीमा  रहेको पृथ्वीनारायण साहको तस्वीरमा माल्यारर्पर्ण साथै फलफुल चोक देखि सभापतिचोक सम्म पृथ्वीनारायण शाहको सम्झनामा वजार परिक्रमा गरेको थियो । विसं १७७९ पुस २७ गते गोर्खामा जन्मिनुभएका पृथ्वीनारायण साहले दक्षिणतर्फ अङ्ग्रेजको दबदबा रहेका बखत स–साना राज्य रजौटालाई एकीकरण गरेर विशाल नेपाल निर्माण गर्नुभएको थियो । त्यस्तै उपत्यकामा पृथ्वीनारायणको सालिकमा माल्यार्पण गर्न उपप्रधानमन्त्रीद्वय कमल थापा र सिपी मैनाली, उपसभामुख गङ्गाप्रसाद यादव, नेपाल प्रज्ञाप्रतिष्ठानका कुलपति गङ्गाप्रसाद उप्रेती, पूर्वमन्त्री मोदनाथ प्रश्रितलगायतका व्यक्ति सिंहदरबार पश्चिम ढोका पुग्नुभएको थियो ।