मंसीर १४ । सरकारले ट्रान्सपरेन्सी इन्टरनेसनलको एसिया प्रतिवेदन(२०२० अस्वीकार्य भएको बताएको छ । यो प्रतिवेदन राजनीतिक पूर्वाग्रहबाट प्रेरित भएको र आधारहीत तथ्यका आधारमा तयार पारिएको सरकारको दाबी रहेको छ । ट्रान्सपरेन्सी इन्टरनेसनलको एसिया प्रतिवेदन(२०२० मा नेपालमा प्रधानमन्त्री नै भ्रष्टाचारका आरोपी सहकर्मीहरुको प्रतिरक्षामा उत्रिएको उल्लेख गरेसँगै सरकारले यस्को प्रतिवाद गरेको हो । तर सरकारले भने यो प्रतिवेदनमा आफ्नो असहमति रहेको र अस्वीकार्य भएको बताएको छ । सरकारका प्रवक्ता एवं सञ्चारमन्त्री पार्वत गुरुङले एक वक्तव्य जारी गर्दै सरकारविरुद्ध रहेका, सरकारको प्रगति नचाहने, सरकार विरोधी गतिविधिमा लागेका मान्छेहरुलाई सोधेर प्रतिवेदन तयार पारिएको दाबी गर्नुभएको छ । सरकारले शुसासन र विकासमा फड्को मार्ने गरी काम गरिरहेको यो अवस्थालाई देखेर सबै विरोधीहरु आत्तिएको भन्दै यस प्रकारको प्रतिवेदन एक पक्षिय रहेको दावि मन्त्रीले गर्नुभएको छ ।