गैँडाकोट, १२ बैशाख।
गैँडाकोट नगरपालिकामा उपमेयर पदका लागि तुलाराम पौडेलले उम्मेदवारी दर्ता गराउनु भएको छ । नेकपा एमाले र राप्रपा विच तालमेल भएपछि पौडेलले उपमेयरमा उम्मेदवारी दर्ता गराउनु भएको हो । पौडेल राप्रपाका नेता हुनुहुन्छ । गैँडाकोट नगरपालिकामा नेकपा एमाले र राष्टिय प्रजातन्त्र पार्टी (राप्रपा) विच आइतबार भएको छलफलपछि दुई दलविच चुनावी तालमेल गर्ने सहमती भएको थियो ।
गैँडाकोटको मेयरमा एमाले उमेदवार छत्रराज पौडेललाइ राप्रपाले सहयोग गर्ने र उपमेयरमा राप्रपाका उमेदवार तुलाराम पौडेललाइ एमालेले सहयोग गर्ने सहमति भएको नेकपा एमाले नवलपुरले जनाएको छ । नगरपालिकाको मेयर पदका लागि एमालेका छत्रराज पौडेलले उम्मेदवारी दर्ता गराईसक्नु भएको छ ।