गैँडाकोट, २१ साउन ।

गण्डकि प्रदेशका मुख्यमन्त्री कृष्णचन्द्र नेपाली पोख्रेलले देशमा परिवर्तन गर्नका लागि राजनिति नै मुख्य हतियार रहेको बताउनु भएको छ । पछिल्लो समय राजनैतिक दल प्रति वितृष्णा जगाउने काम भैरहेको पोख्रेलले बताउनु भयो । सिष्टम बसाल्नका लागि नेतृत्वको आवश्यकता पर्ने बताउदै पाखे्रेलले विद्यार्थीहरुले पनि राजनितीक ज्ञान लिनु आवश्यक रहेको बताउनु भयो । गैँडाकोट २ मा भएको एसईई २०७८ मा उत्तिर्ण विद्यार्थीहरुलाई सम्मान एवम् विविध सांस्कृतिक कार्यक्रममा बोल्दै मुख्य मन्त्री पोख्रेलले यस्तो बताउनु भएको हो ।

नेविसंघ गैँडाकोट नगर समन्वय समिति र सुशील काईराला सोसलिष्ट युथ सर्कल नवलपुरको आयोजनामा भएको कार्यक्रममा गैँडाकोटमा २०७८ सालमा एसइइ उत्तीर्ण १ हजार ३ सय ५१ विद्यार्थीहरुलाई सम्मान गरिएको थियो । कार्यक्रममा बोल्दै नेपाली कांग्रेसका केन्द्रीय सदस्य डा. शशांक कोइरालाले जिवन सिकाई रहेकाले लगनका साथ शिक्षा ग्रहण गर्न विद्यार्थिहरुलाई आग्रह गर्नु भयो । विपि कोइरालाले राजनिती गरेको संघर्षको उदाहरण दिदै कोइरालाले सच्चा मनले उत्कृष्ट प्रयत्न गर्न सके सफलता मिल्ने बताउनु भयो ।

यस्तै नेपाली कांग्रेसका केन्द्रीय सदस्य प्रदिप पौडेलले लोकतन्त्रको स्थापनाका लागि नेपाल विद्यार्थी संघको ठूलो भूमिका रहेको बताउनुभयो । कार्यक्रम गैँडाकोट नगरपालिकाका नगरप्रमुख मदनभक्त अधिकारी, नगर उपप्रमुख शान्ती कोइराला, नेपाली कांग्रेसका महासमिति सदस्य गणेश सापकोटा लगाएतले बोल्दै बिद्यार्थीहरु आफ्नो क्षमता र दक्षताको आधारमा अगाडि बढ्नु पर्ने बताउनु भयो ।

कार्यक्रममा नेपाली कांग्रेसका महासमिति सदस्य गोकुल सापकोटा, गैँडाकोट नगर अध्यक्ष वद्री सापकोटा, सुशिल कोइराला सोसलिष्ट युथ सर्कलको केन्द्रीय अध्यक्ष ताराकाजी थापा, नेपाली कांग्रेस नवलपुरका जिल्ला उपसभापति बालकृष्ण घिमिरे, क्षेत्र नम्बर १ का सभापति अमृत भट्टचन, नेपाली बिद्यार्थी संघ नवलपुरमा जिल्ला सभापति राजेश पौडेल लगायतले मन्तब्य राख्नुभएको थियो । कार्यक्रममा साँकृतिक प्रस्तुति पनि गरिएको थियो ।