गैँडाकोट, १६ माघ । नवरपुरमा आइतबार कोरोना संक्रमित हुनेको संख्या ह्वात्तै घटेको छ । स्वास्थ्य कार्यालय नवलपुरले दिएको जानकारी अनुसार पछिल्लो २४ घण्टामा नवलपुरमा २ जनामात्र संक्रमित थपिएका हुन् ।

शनिबार २६ जनामा कोरोना संक्रमण पुष्टि भएको थियो । यस्तै आइतबार जिल्लामा कोरोना संक्रमण मुक्त हुृनेको संख्या २२ रहेको छ ।

यस्तै जिल्लामा सक्रिय संक्रमितको संख्या पनि घटेको छ । सक्रिय संक्रमितको संख्या ५ सय कटेको नवलपुरमा आइतबार घटेर ३९० पुगेको हो ।