काठमाडौं, २० माघ । बिहीबार सुनको मूल्य वृद्धि भएको छ । नेपाल सुन चाँदी व्यवसायी महासंघका अनुसार सुनको मूल्य तोलामा पाँच सय रुपैयाँले बढेर ९२ हजार ७ सय रुपैयाँ पुगेको हो ।

बिहीबारका लागि तेजावी सुनको मूल्य तोलामा ९२ हजार २ सय रुपैयाँ पुगेको छ । बुधबार ९२ हजार २ सय रुपैयाँमा छापावाल र ९१ हजार ७ सय रुपैयाँमा तेजावी सुनको कारोबार भएको थियो ।

यस्तै चाँदीको मूल्य भने स्थिर छ । बिहीबार चाँदीको मूल्य १२ सय ५५ रुपैयाँ प्रतितोला तोकिएको छ । बुधबार पनि सोही मूल्यमा चाँदीको कारोबार भएको थियो ।