गैँडाकोट, २ फागुन । नवलपुरको गैँडाकोट नगरपालिकाको वडा नम्बर ३ र १८ लाई दुर्गम क्षेत्रको रुपमा लिने गरिएको छ । यी दुई वटा वडा पहाडी क्षेत्रमा पर्ने भएकाले नगरका अन्य वडा भन्दा सबै कुराबाट पछाडि परेका छन् ।

केही वर्ष अगाडिसम्म खानेपानी लिएर आउनका लागि एक बिहान खर्च गर्नुपर्ने अवस्था रहेको भए पनि अहिले भने घरमै धारा जडान हुँदा केही सहज भएको छ ।

स्थानीय तहको निर्वाचनबाट आएका जनप्रतिनिधिले नगरवासीलाई आधारभूत आवश्यकता पूरा गर्नका लागि सक्दो काम गरिरहेका छन् । वडा नम्बर ३ मा मात्रै सात करोड लागतमा चार वटा ट्यांकी निर्माण गरेर वडावासीलाई खानेपानी वितरण गरिएको छ । गैँडाकोट क्षेत्रमा रहेको खानेपानीको समस्या समाधानतर्फ स्थानीय सरकार उन्मुख भइरहेको छ ।

गैँडाकोटको वडा नम्बर ३ मा नगरस्तरीय योजना अन्तर्गत ४० लाखका दुई वटा खानेपानी योजना तथा प्रदेशको योजना अन्तर्गत करिब साढे ६ करोडका दुई वटा योजना सञ्चालनमा छन् । ओभरहेड ट्यांकीबाट पानी पु¥याउन अप्ठ्यारो रहेको ठाउँमा समेत लिफ्टिङ गरेर सिँचाई सहित खानेपानीको सुविधा पु¥याउने तयारी गरिएको छ ।