गैँडाकोट, ४ चैत ।

गैँडाकोट नगरपालिका वडा नम्वर १ मा विभिन्न पार्टी परित्याग गरेका १२० जनाले नेपाली कांग्रेस प्रवेश गरेका छन् । फागु पुर्णिमाको अवसरमा शुक्रबार नेपाली कांग्रेस वडा कार्यसमिती गैँडाकोट १ ले आयोजना गरेको शुभकामना तथा पार्टी प्रवेश कार्यक्रममा नेपाल कम्युनिस्ट पार्टी एमाले, नेकपा एकिकृत समाजवादी र नेकपा माओवादी केन्द्र परित्याग गरेका १२० जनालाई नेपाली कांग्रेस क्षेत्रीय सभापती अमृत भट्टचनले कांग्रेस प्रवेश गराउनुभएको हो ।

पार्टी प्रवेश गर्नेहरुमा २०७४ सालको स्थानिय तहको निर्वाचनमा  वडा सदस्यका उम्मेद्वारी दिनेहरु समेत रहेका छन् । सो अवसरमा बोल्दै नेपाली कांग्रेस क्षेत्रीय सभापती अमृत भट्टचनले आगामी बैशाख ३० गते हुने स्थानिय तहको निर्वाचनमा नेपाली कांग्रेसलाई जिताउन सबै एकजुट भएर लाग्नुपर्ने बताउनुभयो । जनतालाई परेको सबै समस्याको समाधान नेपाली कांग्रेसले गर्ने बताँउँदै जतीपनि रोकिएका विकास निर्माणका कामहरु छन् ति सबै कामहरु सम्पन्न गर्न लागिपर्ने उहाँको भनाई थियो । साथै उहाँले प्रधानमन्त्री एवं नेपाली कांग्रेसका सभापती शेरबहादुर देउवासंग आफ्नो व्यक्तिगत निकटता भएको दावी गर्दे जनताको गुनासो उहाँसमक्ष पुर्याउने बाचा समेत गर्नुभयो ।

यस्तै कार्यक्रममा नेपाली कांग्रेस १ ‘क’ को गण्डकी प्रदेश सभापति गोपाल सापकोटा, महासमिती सदस्य गोकुल सापकोटा, नेपाली कांग्रेसका नगर सभापति बद्री सापकोटा, नेपाली कांग्रेस वडा कार्यसमिती उपाध्यक्ष गाविन्दहरी पौडेल, गैँडाकोट नगरपालिका वडा नम्वर १ का वडाध्यक्ष हरिप्रसाद सापकोटाले लगायतले शुभकामना व्यक्त गर्नुभएका थियो ।

नेपाली कांग्रेस वडा कार्यसमिती उपाध्यक्ष गाविन्दहरी पौडेलको अध्यक्षतामा भएको कार्यक्रममा नेपाली कांगेस वडा नम्वर १ का सचिव गुरु प्रसाद सापकोटाले कार्यक्रम सञ्चालन र निवर्तमान वार्ड सभापती शिवराज काफ्लेले उपस्थित सम्पुर्णलाई स्वागत गर्नुभएको थियो ।