गैँडाकोट, २८ चैत । नेकपा एमालेले गैँडाकोट नगरपालिका वडा नम्वर ५ को वडाध्यक्षमा पुनः नवराज कंडेललाई उम्मेदवार बनाउने भएको छ । २०७४ मा भएको स्थानिय तह निर्वाचनमा कंडेलले आफ्ना प्रतिस्पर्धी रत्नप्रसाद सापकोटालाई पराजित गर्दै वडाध्यक्षमा निर्वाचित हुनुभएको थियो ।
वडाध्यक्ष कंडेलले अघिल्लो निर्वाचनमा जनतासंग गरेका अधिकांश बाचा पुरा गरेको बताउँदै आफुले परिकल्पना गरेका विकास निर्माणका काम बाँकी रहेको र त्यसलाई पुरा गर्नको लागि आफुँ पुनः वडाध्यक्षमा उठ्ने निर्णय गरेको बताउनुभयो ।
वडाध्यक्ष कंडेलले आफुले पाँच वर्षको अवधीमा सात किलोमिटर बाटो निर्माण, गैँडाकोट स्वास्थ्य चौकी भवन निर्माण गरी सञ्चालन, नदितटबन्धन, खानेपानी लगायत विकास निर्माणका काम गरेको भन्दै अव हुने निर्वाचनमा आफुले भारी मतले जित्ने विश्वास समेत व्यक्त गर्नुभयो ।
‘मैले जनतालाई गरेका अधिकांश प्रतिवद्धता पुरा गरेको छु तर मैले म वडाध्यक्ष हुँदै गर्दा यस्तो परिवर्तन गर्छु भनेर जुन परिकल्पना गरेको थिए विचमा कोरोना भाइरस आयो त्यसैमा खट्नपर्यो र त्यो पुरा गर्न सकिन अबको मेरो उम्मेदवारी ति अधुरा काम पुरा गर्नको लागि हुनेछ ।’ कंडेलले भन्नुभयो ।