काठमाडौँ, २२ असार । संघीय संसद अन्तर्गत प्रतिनिधिसभाको बैठक दिउँसो २ बजेसम्मका लागि स्थगित भएको छ । बुधबार बिहान ११ बजेका लागि बोलाएको बैठक दिउँसो १ बजेसम्म सुरु हुन नसकेपछि सूचना टाँसेर २ बजेसम्मको लागि सारिएको हो ।

प्रमुख प्रतिपक्षी दल नेकपा एमालेले बजेट निर्माणमा अनधिकृत व्यक्तिको संलग्नता रहेको भन्दै छानबिनका लागि संसदीय समिति गठन गर्न माग गर्दै आएको छ ।माओवादी केन्द्र छानबिन समिति बनाउन सहमत देखिएको छ । तर त्यसअघि अर्थमन्त्री शर्माले आफ्नो धारणा प्रतिनिधिसभामा राख्न चाहेका छन् ।

उनको धारणा एमालेले बहिस्कार गर्ने जनाइसकेको छ । यसबारे संसदमा रहेका प्रमुख दलहरुबीच छलफल भएपनि सहमति जुट्न नसक्दा बैठक धकेलिएको हो ।