गैँडाकोट, १२ साउन । नवलपरासी (सुस्तापूर्व) को गैँडाकोट नगरपालिका–५ स्थित शाइनिङ आवासीय माविका विद्यार्थी सुमित सुवालले एसइई परीक्षामा ३.९५ जिपिए ल्याउनु भएको छ । सुमित स्कूलका मेहनती र अब्बल विद्यार्थी रहेको प्राचार्य लक्ष्मीप्रसाद दवाडीले जानकारी दिनुभयो । नवलपुरका संस्थागत विद्यालयहरुमा सधैं उत्कृष्ट नतिजा हासिल गर्दै आएको शाइनिङले यसवर्ष पनि ३.९५ जिपिएसहित उत्कृष्ट नतिजा ल्याएको हो ।

शाइनिङ माविबाट एसइई दिएका विद्यार्थीमध्ये ६० प्रतिशतले ‘ए’ प्लस, ‘ए’,र ‘बी’ प्लस ल्याएका छन् । बाँकी ४० प्रतिशत विद्यार्थीहरुको ‘बी’ आएको छ । शिक्षकको लगनशीलता, विद्यार्थीको मेहनत र अभिभावकको सहयोगका कारण राम्रो नतिजा प्राप्त गरेको प्राचार्य दवाडीले बताउनुभयो ।

आजभन्दा २८ वर्ष अगाडि ४५ जना विद्यार्थीहबाट सुरु भएको शाइनिङको यात्रा हाल आएर फराकिलो भएको छ । नर्सरीदेखि कक्षा १२ सम्म हाल एक हजार एक सयभन्दा बढी विद्यार्थी अध्ययनरत छन् । ६५ जना पूर्णकालीन शिक्षक तथा कर्मचारी कार्यरत छन् ।

शाइनिङ आवासीय माविले कक्षा ११ मा विज्ञान, मानविकी, व्यवस्थापन, शिक्षालगायत विभिन्न संकायमा भर्ना आह्वान गरेको छ ।