स्याङ्जा, ३० वैशाख । स्याङ्जाको वालिङमा मतदाता बोकेको गाडी दुर्घटनामा पर्दा शुक्रबार दिउँसो १४ जनाको मृत्यु भएको छ । उक्त घटनामा अन्य ११ जना घाइते भएका छन् ।

मृत्यु भएकामध्ये १० जनाको सनाखत भएको प्रमुख जिल्ला अधिकारी राजु पौडेलले जानकारी दिए । प्रजिअ पौडेलका अनुसार अहिले घटनास्थलमा उद्धार भइरहेको छ ।

घाइतेहरुलाई उपचारका लागि प्राथमिक स्वास्थ्य केन्द्र वालिङ र गम्भीर घाइतेलाई पोखरा लगिएको प्रजिअ पौडेलले जानकारी दिए ।